Opinión en Galicia

Buscador


autor opinión

Editorial

Ver todos los editoriales »

Archivo

Provincias

jueves, 08 de noviembre de 2012
Agora que todo está en cuestión ou case todo, a reorganización administrativa pode ser un punto a ter en conta non xa pola simplificación e aforro que poida supoñer senón tamén pola racionalización que poida entrañar para o mellor servizo aos administrados.

Foi Javier de Burgos o que en 1833 estableceu o actual sistema de división de España en provincias, correspondéndolle catro a Galicia que levan existindo como tales case cento oitenta anos. Queda para a historia
aquela vella división de Galicia en sete provincias con capitais en A Coruña, Lugo, Ourense, Tui, Santiago, Mondoñedo e Betanzos.

En Italia veñen de dispoñer unha radical diminución do número de provincias pasando de 86 a 51 o próximo 2014, creando áreas metropolitanas e fusionando varias das existentes.

Se neste momento aquí se plantease algo así sería unha hecatombe, e sen embargo algo haberá que facer máis axiña ou máis tarde, que o decurso do tempo foi creando outras realidades, e hoxe Vigo ten creado unha situación especial en Pontevedra -xa recoñecida pola Xunta na última reorganización administrativa- e Ferrol e Santiago plantean nas terras coruñesas unha triple cabeceira vital.

Moito se ten falado da Galicia das comarcas, e chegouse á formación destas pero nunca tiveron papel importante na administración e xestión dos intereses que lles afectan. E son as provincias as que seguen a marcar os ámbitos políticos, económicos, administrativos, vitais, da Galicia de hoxe.

Pero o que leva cento oitenta anos funcionando non ten porque ser eterno. E nalgún momento poderá cambiar.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania