Feijóo dixit

Estamos afeitos a que o falar dos políticos non teña cancelas, e por eso a nosa disposición é a oir pero non a escoitar as declaracións que moitos fan no exercizo do seu cargo. Por eso nos chama a atención cando alguén da política fala e pensa como calquera de nós.

A ministra Bañez falou como ministra do goberno central, atisbando claridades – antes chamábanselles brotes verdes- onde ao mellor as hai pero que non nos din nada. E o Presidente Feijóo veu dicir, replicándolle sen replicar, que cun paro dun vintecinco por cento non se poden dicir cousas que nos gustaría dicir porque o importante é o que a todos nos afecta de xeito tan directo e vital, como é esta profunda crise económica.

O Presidente diante das palabras da Ministra sobre “sinais esperanzadores”, di que o importante non é o que digan os políticos senón os indicadores económicos, e coida que o ano 2013 vai ser moi duro.

Razón ten o Presidente en dicir que de saír da crise, polo de agora, nada de nada, por moito que a Ministra sexa optimista. E que se algún sinal hai – como as exportacións ou a competividade- quere dicir que hai indicadores menos malos ca outros, e o que hai que agardar é que as cousas en 2013 vaian menos mal ou un pouco mellor dentro dunha situación moi complexa.

Pois como estamos moi cansos de que se nos pinte de cor azul o que
ten nubarróns moi negros, agradécese que o Presidente da Xunta nos diga o que ten que dicir. Que é mellor prepararse para as duras, aínda que estas poidesen vir un pouco máis maduras.