Opinión en Galicia

Buscador


autor opinión

Editorial

Ver todos los editoriales »

Archivo

Tempus horríbilis

martes, 08 de marzo de 2005
Dous días seguidos con título en latín poden evidenciar que calquera tempo pasado puido ser mellor, aínda que sexa lingüísticamente.

Pode ser verdade, porque o panorama que as últimas horas nos deparou é tan variadamente desastroso que fai tremer.

A escala galega non sabemos se quedarnos -para rexeitar máis fortemente- coa nova de que un ex-xefe da garda civil de tráfico foi procesado por trata de brancas, ou que un presunto narcoavogado tiña montada unha estructura económica descomunal froito do tráfico delictivo máis rendible e socialmente máis perigoso.

Ollando o panorama estatal, abraia -diante do día da muller traballadora, ou diante dun día normal calquera- que Pascual Maragall compare o tratamento que recibe por bocazas coas agresións que sofre unha muller maltratada.

E xa, a nivel internacional, a presencia dos estadounidenses en Iraq, da que a última nova é que non disparan a civís a propósito, pero que cando dispararon contra os italianos viñan de facelo contra mulleres e nenos que viaxaban en coches, supostamente a gran velocidade.

Só unha nova gratificante en todo o panorama de actualidade: Un estudio efectuado en Baltimore sinala por primeira vez que o riso mellora o funcionamento cardiovascular, porque ó rirse expándese o endotelio, que e a capa interior das veas e arterias, e facilita o fluxo do sangue.

Pero, ¿Quen pode rirse nestes tempos?. Tempo difícil este.

A frase púxoa en circulación Isabel II de Inglaterra nun tempo para ela especialmente problemático. Pero esto non é un "Annus horríbilis". É un tempo completo. Todo o tempo.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania