Centrais de compras

O Goberno da Nación vai crear unha central de compras para toda a administración, co fin de unificar proveedores e calidades á vez que se consigan os mellores precios. E pola súa parte, a Deputación Provincial de Lugo anuncia a creación dunha central de compras para os concellos lucenses, para poder conseguir suministros unificados e a mellor precio daqueles productos que demanden os concellos que se sumen a esta iniciativa.

Ámbalas dúas iniciativas están en liña coa política das institucións de reducir gastos e, no caso da corporación lucense, tamén de poñer en valor a actividade da institución como apoio e respaldo aos pequenos concellos. E a actuación destas centrais de compras producirán innegables beneficios para os que se
acollan a estas iniciativas.

Pero desaparecerán os proveedores locais, os de toda a vida, os pequenos empresarios especializados en determinados temas que proporcionan servizos e crean postos de traballo. Unificaranse os proveedores e desaparecerá un tecido local valioso, con características propias e servizos variados, en beneficio duns poucos grandes empresarios. Os pequenos perderán en beneficio duns poucos grandes.

Obteremos – obterán as institucións- beneficios económicos indubidables. Pero seguirá a morrer a pequena iniciativa privada.