Egocéntricos

Aínda que ás veces nos digan que ao lector pouco lle importa a vida do que escribe, adoitamos seguir dálle que dálle para ensinar o noso egocentrismo. Pero, quen non é egocéntrico?

A quen non lle gusta que se saiba das nosas calamidades e desventuras?

Queremos gabarnos de todos os pasos que damos e sempre pensamos que o que lle gusta a un, ten que lle gustar aos demais. Sempre penso que se me gustou tal ou cal película, tamén lle ten que gustar á miña dona e aos meus fillos. Pero non sempre é así.

E aínda sabéndoo, seguimos de cabezóns insistindo unha e outra vez cos nosos gustos, coas nosas manías. Cada vez somos máis egocéntricos.