Droga, Pobreza e Violencia

Por repetidas, determinadas situacións deste país acaban por convertirse en habituais e non provocan o revulsivo que unha sociedade sana debería experimentar.

Moitos dos problemas que se xeneran no noso contorno teñen na droga a súa primeira orixe. Habería que estudiar onde ten a súa orixe o problema da droga. Pero o certo é que está ahí, cada vez máis enraizada, cada vez máis voluntariamente soterrada, cada vez máis perduxicial para o noso entramado social.

Con ser a droga un gravísimo problema en sí, leva consigo un custo económico desorbitado que causa pobreza a todo canto toca. Quen está afectado polo problema da droga leva parello o estigma da pobreza para el e para tódolos seus.

E neste clima xorde a violencia con forza incontible.

O último exemplo tivémolo días pasados en Ourense. Como outros moitos anteriormente. Como outros moitos que virán.

Os mecanismos sociais que establecemos a través dos nosos representantes políticos organizan plans contra a pobreza, contra a violencia de xénero. Pero o problema de base subsiste, aínda que loxicamente non sexa o único nin quizáis o máis importante.

Contra a droga lóitase por parte de institucións de todo tipo. No campo da atención, no da prevención, e no da represión. Pero ninguén ousa atacar o mal de raiz, legalizando o seu consumo, arbitrando solucións para evitar que os afectados pola dependencia da droga teñan que sufrir o brutal custo económico que unha mafia poderosísima controla para o seu beneficio.

"Droga, pobreza e violencia" forman un conxunto de factores que nos rodea de xeito imperceptible ata que estoupa coa maior violencia. Hai outros factores, pero todos caben dentro destes tres.