Outro esperpento

DESDE O PREGUNTOIRO

O Rei entrega a Sarkosy o Toisón de ouro. Outro esperpento máis como o do Premio Nóbel a Obama. Eu non sei se nos toman por parvos ou gilipollas, premiase a un personaxe que aniquilou a cidadáns civis en Libia, e a súas bombas destripou parte do conxunto histórico dese país; que nos ten entre el e máis a alamana Merkel no punto de mira da economía. Este
suxeito francés; penso na miña cachola, que merece unha preocupación pola súa completa e absoluta falta de ética e moral humana.

Hai uns días o xornal parisino “Le Monde” comentaba de Sarkosy chamándolle “mafioso”, o di claramente: “...tiene a la policía
desestabilizada, está corrompida por la mafia Sarkosyana que llegó al poder con el apoyo mafioso y corrupto...”. Non soamente por esa mafia, senón polo apoio económico de Muamar
el Gadafi que logo o asasinaron como un porco. ¿Sería esta orde de matalo para que non falara do Sr. mandatario francés.

Isto non é serio, parece que estamos a vivir nunha selva asfáltica chea de corruptos,camaleóns e políticos ineptos. ¿Quen será o seguinte en recibilo ¿ o Sr. Botín, ou Bush?. Chega a tanto a
desvergoña que xa llo concederan ao rei Abdala de Arabia polo seu pedegrí “democrático”, outro anacronismo máis da nosa sociedade. Ou sexa, o que fai mal neste mundo o premian e o que quere facer un pouquiño de ben o meten na cadea.

Ante esta película esperpéntica para adultos para os tempos que corren, con tanta xente parada, sen ingresos, malvivindo e, desgraciadamente, sen futuro, isto é unha burla de moi
mal gosto. Oxalá nun mañan, os nosos netos reciban neste planeta un mundo máis xusto, solidario e que estes impostores e corruptos no existan.

Saúde e feliz ano compañeiras/os.