Un boneco de neve

Imos facer un boneco de neve,
para logo xogar e cantar xunto a el;
vestirémolo ben - tal e como se debe-,
comerá este Nadal en mesa con mantel.

Será grande, moi grande, un xigante moi bo;
sorrirá día e noite, faga frío ou calor;
terá miles de amigos e nunca estará só;
vivirá toda a vida sen chegar a maior.

Só temos que agardar que neve amodiño,
que iso sexa posible, depende de nós;
hai que ser humildes e ter sentidiño...,
como chore o boneco, deixaranos sós.