É a democracia, estúpido

Resulta que varias persoas que foron votar en Madrid cunhas camisetas nas que puñan “Escuela pública para tod@s y tod@s”, poden ser penadas con multas incluso con cárcere pola Xunta Electoral, que interpreta que iso é propaganda electoral porque podrían influír no voto dos cidadáns que as ven, e polo tanto deciden que están prohibidas pola Lei o día das eleccións.

E se as camisetas pon “nucleares non grazas”?, ou “non me gusta o AVE”?, ou “os banqueiros aos palleiros“, ou “eu amo o galego”?, ou son de cor vermello?, ou son de cor azul?, ou son de cor verde?.

Pero, carallo, que prenda me poño o día da votación?.
-Señora na cola da votación dirixíndose ao que vai diante: “Ai, mire, eu ía votar a IU, pero vendo a camisiña tan bonita que leva con esas gaivotas cruzando ise ceo azul, abduciume, lembrándome ao PP, de tal xeito que agora vou votar a Rajoy. O interpelado abraiado di para si, “pero se son dunha foto sacada en Camariñas, e son eu o que vou votar a IU”.

En resumo, pero pode haber alguén psicoloxicamente normal que pense que unha persoa pode cambiar o voto polas inscricións, cores ou dibuxos dunhas camisetas que vexa ao seu carón diante das urnas?. Pois si, para a Xunta Electoral de Madrid parece que pode ser esencial para elo, que até pode mandalos á cadea por un ano.