Democracia ilusoria

DESDE O PREGUNTOIRO

Despois do 20 N o panorama político trocou neste país, o PSOE recibiu da cidadanía un castigo brutal e o PP fíxose coa suma do poder, literalmente co “poder absoluto”. Agora só queda felicitar, con bo humor e espírito deportivo, aos gañadores destas
eleccións: aos que o fixeron por dereito propio, xa que sen comprometerse con nada acadaron a maioría absoluta.

Congratularse por saber daqueles que lles caeu a careta que, desde unha suposta esquerda facilitaron a chegada da dereita.

Teremos un Parlamento menos bipartidista, isto aos verdadeiros demócratas débenos alegrar con toda a carga que ten este sistema inxusto da Lei Electoral. Medicina que remata de
saboreala no seu corpo o PSOE que nada fixo para trocala. ¿Pódese chegar a dubidar da lexitimidade dunhas eleccións baseadas nunca lei desigual e inxusta?.

Aínda así teremos grupos parlamentarios moito máis sólidos, polo que non vai a serlles tan doado acalar, nin ridiculizar como facían os do bipartidismo con IU, unha das formacións de
esquerda que sempre se opuxo ao Tratado de Maastrischt. Esta formación acadou o seu maior resultado en 15 anos en todo o país despois do “ninguneo” dos medios de comunicación e
este sistema electoral. Toda unha azaña, podendo ostentar co tempo o liderazgo da esquerda neste país.

Non en tanto, coa que está caendo desta grande “estafa” europea a democracia deixou de ser unha realidade. Os cidadáns, continuamos votando, pero o noso voto e
baleiro de contido real, votamos por políticos que agora non teñen poder real, por iso decidiuse manter unha
democracia ilusoria, desprazando o poder real aos “mercados” e ao grande capitalismo financeiro. Ante isto, fai falla esa esquerda hexemónica que defenda aos cidadáns desta crise “estafa” dos mercados.