A solución

Ceo gris. Tormentoso. Se digo que unha nube branca revira pouco a pouco á cor negra é porque a climatoloxía está cambiando. Cambiou.

Hai unha hora, o sol case queimaba. Pero sen queimar. Agora, o sol acochou entre eses nuboeiros de cor negra e que, en algún lado, deixarán caer unhas gotas de chuvia e, ata máis seguro, unha boa treboada.

Tamén quererá chover sobre a miña cabeza, pero... que non o intente; veríame na obriga de abrir un paraugas. De rapaz non me importaba mollarme. Pero xa non son un rapaz; nin para mollarme nin para botarme a correr e acubillarme.

A solución está no paraugas.