Con gosto, áo 15M

Veño onde ti, hirmán, para decirche
que o tempo está a cambiar,
iso se nota,
xa non todo vai ser como denantes.

É non é de cor azul ista marea,
non.

Ten ar de libertade e de esperanza,
como a frol ó abrir en primaveira,
ou o primeiro bico
dado ás agachadas
ó amor adolescente
co que se enceta a nova vida,
isa que os que mandan tentan sempre
impedir que nos a descubramos
e que agromen sementes de esperanza
co vento nordés que clarexa a treboada.

O tempo cambeará,
xa non hai dúbida,
a crise estrombóu en crise
de norte a sur,
de leste a oeste por todo o universo
e un canto xuvenil anuncia
ó enteiro mundo
ista feliz alborada de porvir,
de arelas e hirmandade.

Vilaxoán, maio 2011.