Opinión en Galicia

Buscador


autor opinión

Editorial

Ver todos los editoriales »

Archivo

Simplificación

viernes, 26 de agosto de 2011
Cando en tempos se falaba de “Simplificación” (administrativa) viña resultar que se trataba do desexo de que os trámites dun procedemento non se complicasen máis do necesario, e que os xeitos de traballar se fosen acomodando a un aforro de tempo e esforzos por parte dos traballadores das diversas administracións.
Cando agora se fala de simplificación, recorte, fusión, refírese aos propios organismos para adaptalos aos tempos que corren e procurar simplificar o complicado entramado existente, suprimindo entidades duplicadas ou institucións con competencias que ou tamén pertencen a outras ou poden ser asumidas por elas.
Nos tempos de euforia, as administracións medraron e multiplicáronse, e aínda agora existe a gran disculpa de que o noso entramado administrativo é máis sinxelo que o doutro países da Unión Europea, e a cifra de funcionarios menor en relación co número de habitantes.
Pero xa non valen as boas palabras ou razóns, e hai que proceder a recortar como corresponda, tocándolle a este goberno ou ao que veña o labor de ciruxán para que todo o entramado oficial non sufra unha gangrena grave no seu conxunto.
ToCa suprimir organismos, toca fusionar concellos, toca estudiar o destino das deputacións. Moitas asignaturas pendentes para recuperar nun setembro que temos á vista e que non permitirá máis ca esbozar o que todos parecen ter en mente.
Quen máis quen menos intenta simplificar o complexo bosquexo da súa organización persoal para conseguir despexar as incógnitas que se vaian presentando. As administracións téñeno máis complicado, pero seguro que o tema xa está en estudio, a Xunta elucubra con moitos menos concellos galegos que poidan resistir os embates da crise mediante a unión, e todos en conxunto temos un bo problema neste outono que está a piques de comezar.
Se hai que simplificar, simplifiquemos. Que posiblemente hai moito tempo que deberamos darnos conta de que estabamos vivindo por riba das nosas posibilidades, particular e institucionalmente. Agora xa o sabemos.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania