As pinzas do Sr. Bono

DESDE O PREGUNTOIRO

As declaracións do Presidente do Congreso Sr. Bono xustificando o fracaso electoral do PSOE en toda España, afirman que a culpa a ten IU e que vai a quedar reducida “al más sectario del PC”. A partir de esas declaracións xa comeza a “negra” cova mediática a falar sobre a “pinza”. Con xente como o Sr. Bono é polo que unha maioría renega do PSOE.

En vez de facer “chistes” estúpidos, debería preguntarse por qué IU non apoia aos seus candidatos ás alcaldías. Coido que atoparíase coa resposta do comportamento durante as lexislaturas pasadas de desprezo absoluto aos grupos municipais de IU.

Os homes e mulleres de este grupo, foron ignorados, insultados, ríronse na súa cara e non contaron con eles en ningún momento, e agora queren que se lles apoie para seguir facendo o mesmo: aceptando a reforma laboral, os pensionazos, recortes sociais, respaldo aos poderosos...

A absurda “pinza”, orquestrada por eses medios intentado manipular e terxiversar ao persoal, xa non ten moita credibilidade , a xente non e tan parva e está cansa da “pinza”.

Nada di este Sr. das “tenaces” do ano 1993, o PSOE tiña a maioría con IU e elixiu a CIU para gobernar. Goberno de Euskadi de socialistas e a dereita do PP. PPSOE votando xuntos a proposta das hipotecas. Xuntos contra a proposta dos “comunistas” no Parlamento Europeo sobre a redución de gastos dos eurodeputados e viaxes e dietas. Xuntos na reforma das pensións. Xuntos na súa proposta neoliberal. Podo seguir con moitos máis exemplos. ¿Quen fai a “pinza”.

O Sr. Bono, quérenos facer crer que IU é a culpable desta estafa feita polos mercadores dos templos contra os cidadáns da que este Sr. e tódolos seus “sociolistos” chámanlle crise. O de Bono son as procesións, a beatería, os “saraos” e pretas as filas.

Xa o dixo hai tempo o Sr. Felipe González “O Fermoso”: “no importa que el gato sea negro o blanco, lo que importa e que cace ratones” (obreiros).