Para adormecer á paciencia

Desesperación total ante un expediente que non vai. Logo, para máis aquel, o Dúo Dinámico tocándome as entrañas dos tímpanos. Mira que son pesados. Un lapis sobre a mesa. Á súa beira, unha grampadora. Que rematen de cantar, por Deus! Falo do Dúo Dinámico. Remataron.

Agora cambiou de carallo o asunto: non é o mesmo escoitar aos acaramelados Manuel de la Calva e Ramón Arcusa que ao grupo Arco da Vella. Vaia se cambia a música para os meus oídos. Non vale gardar de novo o expediente, que non vai. O ordenador queda colgado.

Desespero total! Se pillo agora mesmo a quen deseñou o programa...! Paciencia e a seguir traballando con outro. E baixo o influxo do grupo Fía Na Roca. Música, mestre! Para calmar ás feras. Para adormecer á paciencia