Eleccións e cuchipandas

Superado o trauma cívico/electoral, que acabamos de sufrir, e pasará á historia como “as eleccións das cuchipandas”, dada o prodigalidade coa que se pretendeo encher o bandullo dos honestos cidadáns; tanto que istes non saían do seu asombro, pois tal xenerosidade e largueza, inéditos na crase política, suponse que se trate dun arrouto puntual, inducido polo bó momento económico e social, de euforia e ledicia, que hai que disfrutar.

E mellor é pensar así, pois do contrario poderíase supor que se trataba de estratexias para gañar as vontades das persoas, polo estómago, o que para moitas poidera resultar aldraxante; pero, nada mais afastado da realidade…!!

É unha mágoa que iniciativa tan vulgar, de sutil linguaxe do pesebre, viñese a empañar a deferencia e cortesía, e apoio mútuo, coas que os candidatos redactaron os programas, pois da a impresión de que, antes de exercer as funcións de “bó goberno”, xa chegaron a acordos. Tanto que, por exemplo, o PP fala dun “porto deportivo”, e Unifoz xa anuncia que o vai a “mellorar“ Ou sexa, identificación coa idea e ánimo de colaboración...

¿Contemplará a mellora, a eliminación da “barra” da bocana da ría?. Porque ninguén fala dela; coma se non existira…Qué raro, non?

O PSOE vai crear unha cooperativa agro-gandeira, de tal envergadura, que arranxará o do paro, e o BNG, con clara visión de futuro, proxectou a “praza de abastos” que, suponse, será a central de venta dos productos da cooperativa…

É de supoñer que a praza se ubique pretiño do porto do PP; os que amarren os iates, apenas terán que desprazarse para mercar os productos da cooperativa do PSOE que serán, sen dúbida, de calidade extra, e que levarán o nome de Foz por mares e portos do mundo ¿E quen sabe se, en adiante, non pode ser esa unha importante vía marítima de exportación?..

Xa o temos dito: todo é posible en Hollyfoz. Os tempos esixen o traballo en equipo, solidario e coordinado, e os políticos focegos dan exemplo.¡Parabéns! O futuro do pobo consensuado, diseñado, e garantido, de xeito claro, racional e contundente. Só falta celebralo con unha cuchipanda… ou será con catro?,.