Opinión en Galicia

Buscador


autor opinión

Editorial

Ver todos los editoriales »

Archivo

Chiringuitos

martes, 03 de mayo de 2011
O que comezou sendo denominación de tenderetes provisionais instalados nas praias e lugares de aglomeración para atención de turistas e visitantes, evolucionou e incrementou a súa presencia entre nós. E hoxe “chiringuitos” chegan a denominarse os organismos da que en tempos se chamou “Administración institucional”, que resultan ser empresas, xerencias, institutos ou similares denominacións que as Administracións crean para axilizar o seu funcionamento.
A Administración central, autonómica, provincial ou local ten unhas normas de funcionamento que constriñen de xeito importante o desenvolvemento da súa actividades, xa que están regulamentados ó máximo todos os procedementos, precisamente como garantía de solvencia, imparcialidade e igualdade de trato.
Por eso as institucións, para dinamizar o seu funcionamento, adoitan constituir outras entidades menores que non precisan de tantos trámites, son moito máis flexibles para adaptarse ás normas do mercado, e permiten que a Administración, indirectamente, funcione como unha empresa. A eso se lle deu en chamar “chiringuitos”, porque moitas veces sirven para canalizar temas que na Administración non serían doados de abordar ou de levar a bo termo.
Nos tempos en que a Administración era boiante, medraron estes organismos de xeito desaforado. Agora, que toca aforrar, estas entidades menores ven en perigo a súa existencia. De feito a Xunta, nestes dous últimos anos, xa fixo desaparecer 41, e en canto pasen as municipais abordarase o futuro de outros 82, para determinar se é posible prescindir deles, asumir as súas funciones directamente polo organismo autonómico, e transferir os seus traballadores ou rescindir os seus contratos, segundo a severidade coa que se deba afrontar o recorte.
Este é o signo dos tempos: adelgazar a administración, recortar gastos, aforrar en definitiva para cumprir os obxectivos de eliminar o déficit, axustando á realidade presupostaria a complexa organización administrativa da que nos fomos dotando nos últimos tempos.
Os chiringuitos están ben para as praias, para as festas, para un acontecemento determinado xa que precisan escasa infraestructura e desaparecen en cuestión de horas. A Administración nace con vocación de perdurar. Pero cando toca a recortar, todos sabemos por onde hai que facer os recortes, por onde a Administración é menos Administración, por onde o imprescindible pasa a ser superfluo. Despois das eleccións poderemos comprobar ata onde hai que recortar para poder seguir camiñando.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania