Pola liña de puntos

Tráfico vaise tomar en serio eso de que os conductores nos portemos de acordo co que establece o Código da Circulación, e o habitual carnet vai ser substituído por unha tarxeta valorada en 12 puntos, que se reducirán sustancialmente en canto cometamos unha infracción grave.

Falar por teléfono mentras se conduce, corte de puntos. Circular sen cinturón, corte de puntos. Non levar o casco os motoristas, o mesmo.

A reducción dos puntos esixirá un curso de adaptación. E a perda de tódolos puntos, requerirá exame, curso de sensibilización, probas teóricas e as prácticas habituais.

Ben está. E ben faría o goberno en trasladar esta práctica a outros eidos da actividade social, especialmente á política. ¿Cantos puntos habería que quitarlle a Magdalena Álvarez, Ministra do ramo das obras públicas, por dicir que estaba farta do "Plan Galicia de mer...".

A esta, polo que leva "largado" habería que cortarlle pola liña de puntos o carnet e a vida política. Pero por agora pode estar tranquila. É aínda moi axiña para facer crise no goberno das Españas.