O sentidiño de Fraga

Nun mitin celebrado en Ourense, na pasada campaña electoral, Fraga seique prometeu “Cantarlles as 40” a Zapatero na programada visita á Moncloa.

Pero ó Presidente galego non lle fixo falla ese canto máximo do xogo do Tute, porque con só “arrastrar” xa o Presidente Zapatero entrou “ó trapo”.

Fraga ía ó que ía: conseguir para Galicia o trato que –a xuicio dos galegos- se merece. Polo de pronto, “amarrar” o Plan Galicia, pactar ese posible desenvolvemento do Estatuto, e –en fin- tranquilidade política e –o que é o mesmo- económica e social para este noso País que tanto precisa para seguir camiñando firme.

Creo que a inmensa maioría dos galegos estará de acordo que “o sentidiño de Fraga” en levar pacificamente esta entrevista ten moito que ver co resultado.

Esta é unha terra vella; tranquila. E os anos –ós viños, á terra e ás xentes- séntannos ben. A uns, para darlles forza; á outra, para darlle pouso; e a nós, para saber o que queremos é dialogar tranquilamente, “con sentidiño”.