Mercados ‘Fraudis’

Desde o Preguntoiro: Mercados ‘Fraudis’

Asemella todo en calma, non entanto só é aparente, a desfeita en que nos meteron os “mercados”que, (palabra “fraudis” que agocha, encobre e acachoupa a entidades como bancos, financeiros e inversores) agora están chegando a unha voracidade que xa non ten límites. Está a tensar a corda dunha maneira moi perigosa que pode rachar en calquera intre poñendo en perigo a estabilidade do planeta.

Parte desa irresponsabilidade a teñen moitos gobernos de Occidente “democráticos” que acóllense no seo deses “mercados”.

O escenario deste Titanic capitalista-salvaxe está nun estado latente, pero decadente e baleiro de contidos estratéxicos de supervivencia, xa que a súa avaricia cobizosa e tan cega que non lles fai ver o “iceberg" que lles ven pola proa.

Un “iceberg" de conflitos retardados a piques de estoupar en Oriente Medio e Asia. Os conflitos de Túnez, Exipto Iemen que esténdense polo Norte de África. Un “iceberg” de protestas como Islandia, Irlanda, Greza e outros países europeos.

O panorama non é moi optimista: reactivación da crise a escala global, axustes sociais salvaxes, catástrofes climáticas seriais, pandemias, matanzas militares de poboación, máis da metade da poboación do mundo en estado de miseria, gasto bélico de 1.464 billóns $ que, (billonario negocio para as multinacionais do armamento) marca unha escalada mundial de guerra.

Sub-guerras con motivacións de negocios dos bancos e grandes corporacións que compiten polos “mercados”. Frontes de conflitos polo control do petróleo, da auga e recursos estratéxicos.

Nalgúns estados europeos como España, da unha sensación de paz. É esa calma chicha que precede á treboada.

Se os gobernos e políticos teñan que acatar as decisións da ditadura dos “mercados”. ¿Onde está a Democracia?.