Demasiadas medallas

Vexo a relación de Medallas de Galicia (ouro, plata e bronce) e Medallas Castelao concedidas pola Xunta de Galicia. E parécenme moitas; demasiadas.

Temos aínda moi recente o caso do Ministro Bono, galardoado un venres cunha altísima condecoración militar e que non renunciou a ela ata o seguínte mércores, porque lle deu vergoña diante das numerosas críticas recibidas. A pura renuncia non o redime da vergoña, que queda ahí.

A proliferación de medallas que cada ano se entregan contenta a un amplo número de persoas. E nelas atopo meritorios traballadores recipiendarios como Pepe de Redondela ou Luis Rial, pero tamén relación ampla de xente á que contentar polo que teñen ou inflúen.
Eu creo que a maior número de condecoracións concedidas, menos valor teñen cada unha delas pola proliferación.

A fin de contas é como na Opep: Aumenta a producción de cru e baixa o precio do petróleo. Simple aplicación da Lei da Oferta e a Demanda.