¿Qué é hoxe a esquerda reformista?

Desde o Preguntoiro: ¿Qué é hoxe a esquerda reformista?

O que hoxe chámanlle a esquerda reformista (socialdemocracia) rematou sendo parte do sistema reconvertido en dereita pura e dura, converteuse en neoliberal. Xa non hai nin esquerda reformista nin nada que se lle asemelle. Ten que quedar moi claro que os refugallos daquel navío socialdemócrata está varado e cheo de podremia na praia da incerteza, cousa que xa non hai nada que recoller dese buque para a reconstrución porque o seu proxecto é o neoliberalismo.

A capacidade de actuación desta “socialdemocracia” está nestes intres en interdito. Ante esta crise económica estes gobernos de corte reformista en Europa lanzáronse a salvar bancos co diñeiro de todos, onde tiveron unha oportunidade perdida para trocar e actuar doutra maneira.

Hai que comezar desde as bases a concienciarse e reformularse o que é ser de esquerdas: loitar polos desfavorecidos, combater os abusos da dereita e o gran capital, poder gozar do planeta terra sen destruílo e non facer da sanidade un negocio. Entender que non é só saír da crise económica, senón saír dun sistema que atópase en crise permanente.

O futuro da esquerda, pasa por enfrontarse aos poderes financeiros que queren pasar por riba da soberanía popular dos pobos. Pasa por unir e sumar a un proxecto da verdadeira esquerda que aínda existe neste país. Non quedar só nun discurso oco e baldeiro de contido, xa que da maneira que imos tanto en España como en Europa, estase a crear unha grande decepción na clase traballadora, onde está a provocar desorientación e fastío da política. Despois chegará o inevitable : o fascismo, un “The Party” que hoxe moitos alentan desde tribunas dos medios de comunicación.

En definitiva; hai alternativas nestes intres de esquerda neste país. Non entanto, segue habendo “socialdemócratas” que crense de esquerdas.