Viaxeira

Son faba de Lourenzá,

coma as grandes artistas,

viaxo polo mundo,

co meu fino traxe Branco

e de fondo música de pandeiretas.

Son alma de grandes receitas,

chego ao fogar e fago un gran xantar

brandiña para o teu paladar

son nas festas un grande manxar.

Quen mo dixera!

esta pobriña saída da terra,

que cos mellores cociñeiros se ía codear,

que tódolos meses de outubro

unha homenaxe me ían dar.

Eu poño da miña parte

a Lourenzá non quero defraudar

teño que estar a altura

para que a miña fama non deixe de medrar.