Tempo de Cambio

Díxoo Alfonso Guerra hai moitos anos: A España non a vai coñecer nin a nai que a pariu. Agora, non dixeron nada.
Pero España –e Galicia; e nós –vai cambiar de xeito radical, a saber cara a donde.
“Doctores hai”, dicía aquel catecismo preconciliar. Neste caso, eses doctores –especialistas en cada tema- terán que opinar sobre os cambios radicais que se van producir.
O da volta dos soldados de Irak foi a primeira decisión. O resto, anunciadas: fóra a lei educativa, non ó trasvase, novos estatutos...
Cambio radical de criterios e realidades en temas conflictivos e moi importantes.
O Presidente Fraga tense apuntado ó bombardeo e está disposto a discutir co Presidente Zapatero novos feitos no noso Estatuto.
Un segue a opinar que os temas importantes hai que falalos sempre. Para evitar cambios radicais que máis parecen prepotencias e vinganzas ca goberno razoable e benefactor.
En tanto, relaxémonos e vivamos pensando que todo cambio pode ser a mellor, e que os tempos de mudanza son bos para manternos espertos e ollo avizor.