Casanova en Bonxe

Casanova, Alcalde de A Pobra de Brollón, ven de ingresar na prisión provincial de Bonxe, en virtude da condena do Tribunal Supremo a catro anos e seis meses por malversación de fondos públicos, se ben ten pendiente a resolución dun recurso de amparo e outro de indulto.

Arias, o seu antecesor no cargo, ingresará de inmediato polo mesmo motivo.

Casanova non deixa de proclamá-la súa inocencia, na que cren alomenos dez mil persoas veciñas do Brollón e da comarca, que se teñen manifestado no seu favor, formado unha plataforma cívica e suscrito unha multitudinaria petición de indulto.

Algo non encaixa no puzle: Alcalde condenado por malversación e veciños que o defenden, cando –no caso de malversar- os veciños deberían ser os primeiros acusadores.

O que é seguro é que os dez mil brollonianos –os naturais e os achegados- non van quedar calados tra-la prisión do seu Alcalde. Sen que cheguen, claro está, ós feitos da máis importante heroína que deu aquelas terras, a singular María Castaña.