Opinión en Galicia

Buscador


autor opinión

Editorial

Ver todos los editoriales »

Archivo

Os apuros de Feijoo

martes, 27 de julio de 2010
É habitual a referencia á “fin de mes” para representar os apuros dunha familia media con ingresos determinados para -en tempos de crise- conseguir afrontar os seus gastos habituais durante un determinado período.

Neste caso quen ten eses problemas é o Presidente Feijoo, o que quere dicir que os temos todos nós.

Feijoo abordou recentemente o problema de devolver ó Goberno central as cantidades recibidas en máis por anticipos mal calculados nos anos 2008 e 2009. Podería terse referido á herdanza recibida, que a el directamente só lle afecta unha parte do 2009, pero non o fixo porque é o Presidente do goberno de Galicia, e Galicia é quen ten o problema independentemente da cor dos seus gobernantes.

A cuestión é que a crise ten neste campo efectos retroactivos, e cantidades recibidas calculando determinados ingresos terán que ser reintegradas ó goberno central porque as expectativas distaron moito de cumprirse.

O problema plantéase no peor momento xa que resulta unha crise repercutida sobre a crise actual, e á merma dos ingresos nos orzamentos dos próximos anos hai que sumar os reintegros a efectuar que poderían colapsar a economía galega se se esixen nos tempos que se prevén. Feijoo pide aprazamentos ata o momento en que a economía volva repuntar, e se en principio non atopou eco favorable no goberno nin no PSOE galego, imponse o diálogo para tratar de conseguir un consenso que sería bo para todos.

Xa se fala de que o próximo orzamento terá un recorte de máis do oito por cento en relación co actual, de que todas as políticas de gasto van ser revisadas, e a mesma Conselleira de Facenda anunciou que “o imos pasar un pouco mal”, aínda que existe a promesa firme de que se garantizan os servizos esenciais.

O goberno galego teno difícil para afrontar os próximos tempos, por diminución de ingresos, por pagos pendentes, e pola necesidade de impulsar Galicia cara á superación de crise. Pero a dificultade non é maior que a coñecemos todos nós para sobrevivir a estes anos que se nos atemos ás realidades económicas haberá que considerar “horríbilis”.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania