Ondas de enerxía

Os humanos fomos aproveitando as enerxías ó noso dispor, sen máis limitacións que as propias necesidades e as disponibilidades ó seu alcance.

O máis doado durante séculos foi queimar produtos enerxéticos, da superficie da terra ou -segundo avanzaron as técnicas- nas profundidades da terra, segundo un paso que pareceu definitivo a instalación de grandes barreiras no curso dos ríos para conter as augas e orixinar con elas forza que producise electricidade.

E de paso que aumentaron as preocupacións polas repercusións do uso de enerxías altamente incidentes no contorno, as investigacións dirixíronse a lograr fontes de enerxía máis baratas e máis seguras, especialmente tendo en conta a súa perdurabilidade e menor incidencia no medio ambiente.

Así apareceu a enerxía solar, que encheu de paneis as zonas máis soleadas de españa, ou a eólica que fixo florecer de aeroxeneradores boa parte de Galicia. E xa apunta a undimotriz, que aproveitará a infinita enerxía das ondas marinas para producir electricidade nunha comunidade como Galicia, de sempre vencellada ó mar.

As cifras que se baraxan son alucinantes estimándose nun promedio de 50/60 Kw/hora, o que pode producir unha sóa onda marina.

As vantaxes das Rias Baixas para o turismo non axudan para este fin enerxético, pero dos mil cincocentos kilómetros de costa que ten Galicia existen zonas nas que encaixarán á perfección os artiluxios productores de enerxía, sendo as Rías Altas os lugares perfectos para a súa instalación.

Por agora é só un proxecto no que está traballando a Xunta e empresas privadas, pero se as prediccións se confirman, Galicia pode ter enerxía case ilimitada aproveitando as infinitas ondas de enerxía do mar.