Ser xove en Galicia

Aínda que posiblemente os rapaces novos non o estimen así, empeza a ser xeitoso ser xove mercador de vivenda de Galicia.
Eu lembro –hai ben anos, eso sí- ter comprado o meu piso, sen axuda algunha, e cuns intereses dun 11,5%.
Agora, os intereses están en niveis inferiores ó 4% e as axudas cando de pisos “acollidos” se trata, chegan a ser de arredor de 6000€, polo feito de ser rapaz e mercador da primeira vivenda; máis unha porcentaxe do 5 ó 11% sobre o valor de adquisición do piso, según ingresos; e posteriores subvencións de entre o 10 e o 20% nas amortizacións e intereses durante os cinco primeiros anos alomenos.
Por outra parte, anúncianse axudas de ata un 60% para aluguer de vivendas, unha fórmula por aquí minoritaria pero que no resto de Europa parece ter grande predicamento.
A Xunta estase “mollando”. Estas axudas, con cargo ós presupostos xerais da comunidade autónoma, permitirán que milleiros de rapaces acaden unha vivenda con maior comodidade.
Tamén para a administración resulta cómoda esta solución cando non se pode –ou non se quere- meterlle man ós precios dos solares ou ós astronómicos precios das vivendas construídas.
Visto desde a distancia, ser xove é difícil. Aínda que un non crea eso de que a xuventude é como “unha enfermidade que só coa idade se cura”.
Pero se estas axudas poñen eso de ser xove un pouco máis “atractivo”, benvidas sexan por contribuir –á vez que se dinamiza o mercado da vivenda- a que ese sinal de independencia- vivenda propia ou en aluguer- esté un pouco máis doado.