Opinión en Galicia

Buscador


autor opinión

Editorial

Ver todos los editoriales »

Archivo

De que idioma falamos?

viernes, 05 de febrero de 2010
Agal (Asociación Galega da Lingua), que se denomina “Associaçom Galega da Língua”, ven de publicar unha nota na que “parabeniza” ó novo Presidente da Real Academia Galega, Xosé Luís Méndez Ferrín, parabén ó que nos unimos por estimar que o papel do gran creador galego á fronte desta institución ten que ser por forza brillante e redundar en beneficio do país.

Pero neste comunicado indícase que Ferrín, se consegue o Premio Nobel de Literatura para o que está proposto, sería o segundo escritor na nosa lingua en conseguilo. E como non dabamos localizado cal dos nosos escritores galegos tiña xa obtido este definitivo premio, obtemos a aclaración de que o primeiro que o conseguíu foi José Saramago, lóxicamente en portugués.

Agal unifica portugués e galego, como se do mesmo idioma se tratase, cando a realidade, a historia e o sentido común nos din que poden a mesma raiz pero son idiomas diferentes. Igual afrenta sería para o idioma galego xuntalo co castelán porque teñan lonxana raiz común. No occidente da península Ibérica resulta que existen tres idiomas: o portugués, nas terras lusitanas e o galego e o castelán que conviven en Galicia, sexa cal fose a relación entrambos ou a proporción dos seus falantes.

Ogalla sexa Ferrín o primeiro premio Nobel do idioma galego. Sería un espaldarazo definitivo á colocación de Galicia e o seu idioma no mapa mundial das comunidades. Pero mesturar Ferrín con Saramago, e o portugués co galego non pode ser bo para o idioma. E sen embargo sonoras voces defenden o galego fronte ó castelán, como é a súa obriga e dereito, pero ninguén se pronuncia en relación coa confusión que se sementa entre galego e portugués. E eso non é bo para o idioma.

O galego é importante abondo como para ter vida propia, sen ter que arrimarse a outro, ou xa non digamos confundirse con el.
Editorial
Editorial


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania