Opinión en Galicia

Buscador


autor opinión

Editorial

Ver todos los editoriales »

Archivo

Dificultades nunca faltaron

Cachaza Platas, Mercedes - jueves, 19 de noviembre de 2026
Óese falar de que vivimos en tempos moi difíciles:
Carestía da vida, problemas de traballo, de vivienda, inflacción...
A moitos pais e nais preocúpalles o futuro dos seus descendentes.
É normal.
¿A que proxenitor/a non lle preocupa o futuro do froito das súas entrañas?
UNHA OLLADA Ó PASADO:
Moitas persoas que aínda viven no medio rural galego recordan:
-A alimentación na súa infancia: fame non pasaron pero falta dunha alimentación equilibrada, si.
-As zocas como calzado de cada día, que lastimaban os calcañares.
-As costureiras que ían de casa en casa coa máquina de coser na cabeza para ofrecer os seus servizos.
-As leiteiras das aldeas que ían vender o leite polas casas á vila.
-Homes camiño da feira que levaban un rancho ou unha vaca para sacar uns cartiños.
-Mulleriñas cunha paxeta na cabeza cargadiñas para vender un ferrado de centeo, unha ducia de ovos ou uns repolos para cambialos por aceite, azucre, xabrón ou unha peza de roupa...
-Os lavadoiros públicos cheos de mulleres que lavaban a roupa de toda a semana.
-As lareiras nas que cociñaban antes de chegar a "cocina económica".
-Os baños nunha tina unha vez á semana.
-As segas e as mallas nas que todos mollaban a camisa coa suor.
-As cansadas camiñatas ás festas con zocas que cambiaban polos zapatos antes de entrar no baile.
-Os partos eran nas casas e algunhas mulleres morrían por falta de asistencia médica.
-A calefacción que daban as vacas que habitaban debaixo dos cuartos onde se dormía.
-O traballo de sol a sol todo o ano para satisfacer minimamente a alimentación da que xa falei.
-Traballaban desde nenos ata que os folgos se esgotaba.
-Había moitas persoas nas casas, moitas bocas que manter e as convivencias nos eran doadas.
Dificultades non faltaban.
OS DA VILA TAMÉN TEÑEN RECORDOS:
Aínda que había máis servizos, os homes principalmente eran os encargados de traer un xornal á casa que escasamente daba para alimentarse malamente.
A maioría das mulleres dedicábanse ós labores do fogar e ós servizos, outras a asistir polas casas dos señoritos ou ó xornal.
Moi pouquísimas persoas dispoñían dun coche para ir ó traballo.
Algúns ían en motocicleta, outros en bicicleta e non poucos a pé.
Non había elctrodomésticos, nin robots para o fogar.
Tiñan algúns máis servizos que no medio rural, pero poucos.
Algúns pasaban fame.
Algúns podían realizar estudios; pero era unha minoría.
Dificultades tampoco faltaron.
HOXE EN DÍA TAMÉN TEMOS PROBLEMAS
-Temos electrodomésticos que nos axudan no fogar.
-Temos coches en tódalas casas.
-Temos artiluxios que nos permiten comunicarnos cos de cerca e cos de lonxe.
-Podemos viaxar e coñecer mundo, uns máis e otros menos ou nada.
-Temos acceso a unha formación académica de maior ou menor rango.
-Temos industrias.
Temos moitos avances; pero...
SEGUEN AS DIFICULTADES
-Todos necesitamos ter autonomía económica e para eso pasamos boa parte da nosa vida fóra da casa para gañar un xornal.
-A infancia críase en mans alleas: gardeirías, colexios, actividades varias...
-Moias familias teñen que multiplicarse para poder comunicarse e outras rómpense por falta de tempo para facer vida de familia.
-Gañamos máis cartos que nunca; pero tamén temos máis necesidades que nunca; algunhas xustificadas e outras, creadas.
-Temos moitas relacións sociais e máis problemas de soidade que nunca.
-Moitos xoves tardan en emanciparse e viven á conta dos seus pais.
-A maternidade e a paternidade: retrásanse.
-Temos unha poboación avellentada.
-O acceso á vivienda segue sendo un problemón.
-O profesorado desespérase porque a familia non educa.
-Os sanitarios sofren agresións.
-As autoridades tamén teñen problemas serios.
Difcultades non faltan; pero:
"TODO TEN REMEDIO"
Este será o título do seguinte artigo.
Moitas grazas por terme na súas consideración nesta ocasión.
Cachaza Platas, Mercedes
Cachaza Platas, Mercedes


Las opiniones expresadas en este documento son de exclusiva responsabilidad de los autores y no reflejan, necesariamente, los puntos de vista de la empresa editora


PUBLICIDAD
ACTUALIDAD GALICIADIGITAL
Blog de GaliciaDigital
HOMENAXES EGERIA
PUBLICACIONES