Amar en verbos de acción, de fe, de contención, e de conversión

DOMINGO 30 A.- Ex 22,20-26.- Sal 17.- 1 Tes 1,5c-10.- Mt 22,34-40

+ Non aflixirás nin asoballarás os forasteiros pois forasteiros fostes vós en terra de Exipto (Ex 22,20)
+ Eu ámote Señor ti es a miña forza (Sal 17 (18)),2)
+ Convertéstesvos dos ídolos para servir o Deus vivo e verdadeiro (1Tes 1,9)
+ O Mandamento máis importante é “Amarás , o Señor teu Deus con todo o teu corazón e con toda a túa alma e con todo o teu entendemento”, O segundo é semellante a el: Amarás o teu próximo como a ti mesmo.” (Mt22,37-39)

AMAR EN VERBOS DE ACCIÓN, DE FE, DE CONTENCIÓN, E DE CONVERSIÓN

1.Amar é respectar e apreciar
Amar é abicadar para criar
Amar é dar lugar a ser e estar
Amar é aturar sen renunciar.

Fonte do amor creador
¡Obra en min a conversión
de medrar no teu amor!

2.Amar é pelexar por rescatar
Amar é abrazar sen apresar
Amar é agradecer e festexar
Amar é ir ao fondo e máis alá.

Fonte do amor servidor
¡Obra en min a conversión
de medrar no teu amor!

3.Amar é compaixón para os irmáns
Amar é defender para coidar
Amar é agarimar sen afogar
Amar é convidar a bico e pan.

Fonte do amor fiel e activo
¡Obra en min a conversión
de medrar no teu amor!

4.Amar é consolar e acompañar
Amar é combater para salvar
Amar é iluminar e liberar
Amar é dialogar, dicir, calar.

Fonte do amor compasivo
¡Obra en min a conversión
de medrar no teu amor!

5.Amar é renunciar a dominar
Amar é vixiar para alertar
Amar é deixar ir se alguén se vai
Amar é desfrutar sen estragar.

Fonte do amor tenro e maino
¡Obra en min a conversión
de medrar no teu amor!

6.Amar é regalar sen facturar
Amar é perdoar sen reprochar
Amar é sancionar sen maltratar
Amar é axudar ao ben social.

Fonte do amor permanente
¡Obra en min a conversión
de medrar no teu amor!

¡Apertas de domingo!