Grandioso entre rúas, ALENTO do noso ser e da nosa identidade.
Homero reencarnado en Xoán Vila tróuxonos un ciclope de
dous ollos de castiñeiro furados, de seis centos quilos de peso
e de dous cincuenta metros de altura para que o noso gaiteiro
se entronizase en Lugo como rei das festas, recibindo a todos
ao son da nosa gaita que retumba nas rúas e o seu roncón que
remoe o son polo baixío para que todos nos sintamos galegos
de honra e de ben, para que todos sigamos o noso son e
quedemos abraiados pola súa beleza e polo seu ser que nos
encandea, quedando pasmados diante dunha representación
inxente grandiosa, máxica, maxestosa e descomunal.
