Hoxe

Hoxe teño o corpo quente cheo de historias ao carón desta fogueira infinita

hoxe estou rodeada pola miña xente bonita

non quero morrer hoxe e se tivera que facelo non o faría

eu quedo aquí ainda

na dozura das súas mans bicando panzas baleiras

E éncheseme o peito e non a panciña

ao percatarme que son as miñas bagoas escorrendo polas miñas meixelas cativas

se hoxe non estou viva que alguén me diga

da maxia que hai no mundo agochada no ollar dos corpos en movemento

Se escoitei as melodías contentas na terra hostil

Se a miña memoria se lembra do que sentín a ultima vez que o vin...

non quero morrer hoxe e se tivera que facelo non o faría.

Quedaríame aquí aínda.