Contar a historia. Unha das curiosas anécdotas do doutor Piedra foi a que lle aconteceu en Veán da Pastoriza en 1961.
Tivo que desprazarse a esa localidade para realizar unha autopsia a un rapaz que se suicidou pegándose un tiro de escopeta.
Para realizar a autopsia, pediu unha mesa para colocar o cadáver a unha altura razoable, polo que as testemuñas da autopsia foron a unha casa a pedila e así foi como os donos da casa lles prestaron a propia mesa onde eles adoitaban comer e alí se colocou o cadáver sen mantel, nin saba, nin nada, sobre da propia madeira da mesa.
Aquel día, acompañaba ao doutor o seu fillo Antonio que tivo a fortaleza de retratar a escena a unha lóxica distancia para que a reportaxe gráfica non levara aires macabros, pero unha vez rematada a autopsia, todos foron convidados a xantar na mesma casa que emprestou a mesa e que por certo todos se sentaron ao redor dela, pero tampouco lle puxeron mantel nin nada por arriba e incluso nin sequera a lavaron. Compre destacar que a pesar do exquisito xamón que lles ofreceron así como bos chourizos e outras viandas, nin don Miguel nin o seu fillo Antonio puideron gorentar bocado.
