Palabra de Deus para hoxe. Non miña.
Di o Evanxeo de hoxe: "¡Ai de vós, fariseos, que pasades por alto o dereito e o amor de Deus!"
Este ¡Ai de vós! vai hoxe, con nomes e apelidos, para os dirixentes da dereita e da ultradereita españolas e para os seus seguidores que se golpean o peito na misa e se declaran cristiáns.
Dicides que sodes cristiáns e violades cada día o dereito e o amor de Deus. Só buscades os vosos intereses.
Pagades o décimo da hipocresía: ocupades os primeiros postos nas procesións, co cirio ben alto, coa medalla ben visible, encántanvos os asentos de honra nos consellos de administración das vosas multinacionais, nos palcos, nos escanos.
E mentres, que facedes? Hundides ao pobre na miseria. Hundides ao pobo coas vosas políticas neoliberais, que son exactamente o contrario ao Evanxeo.
Dicides defender á familia e poñedes sobre o pobo cargas insoportables, cargas impositivas e de todo tipo: subides a luz, subides o alugueiro, recortades a sanidade, recortades a dependencia, privatizades o que é de todos.
E vós non as tocades nin cun dos vosos dedos. Vós medrades. Medran os vosos ingresos, medran os vosos investimentos, medran os vosos fondos en paraísos fiscais.
Isto é cristián? Non.
San Paulo recórdanos "Os froitos do Espírito Santo son o amor, a alegría, a paz, a xenerosidade, a benignidade, a bondade, a fidelidade..."
Onde está o voso amor? Onde está a vosa xenerosidade? Onde está a vosa benignidade co emigrante, co parado, coa muller que non chega a fin de mes?
Non hai froito do Espírito en vós. Hai froito do egoísmo: enemistades, preitos, rivalidades, divisións, discordias. Xusto o que San Paulo di que non herdará o Reino de Deus.
Como ten recordado León XIV, os plans e a ideoloxía da ultradereita van frontalmente contra os plans e a doutrina que inspira o cristianismo. Non se pode bendicir na igrexa e maldicir no parlamento. Non se pode comungar con Cristo e votar contra os pobres de Cristo.
Un gobernante cristián busca o ben común por riba do seu interese. Vós buscades o voso interese por riba do ben común.
¡Ai de vós!
Luis Angel Rodriguez Patiño, Cura párroco de Xestoso
