O neno Xesús naceu en Sober
F. Guitián, Luis - lunes, 22 de diciembre de 2003
Ese nacemento
do que todos falan,
non foi en Belén.
Foi nunha coviña
do Canón do Sil,
nevaba o día aquel.
San Xosé ofrecía
ós que se achegaban
Amandi a beber.
Para celebralo
amasou a Virxe
roscas e un pastel.
A xente da aldea
lle deu ós Reis Magos
augardente e mel.
Os de Gundivós
levaron cacharros
de barro con pez.
O neno sorría
escoitando á Banda
que tocaba pra él.
Hai xa dous mil anos
que o neno Xesús
naceu en Sober.
F. Guitián, Luis
Las opiniones expresadas en este documento son de exclusiva responsabilidad de los
autores y no reflejan, necesariamente, los puntos de vista de la empresa editora
