Desde o cuarto de lecer deste Hospital de Burela construído no cuarto ou quinto socalco da faldra do home-macho do "monte Castelo" ou da faldra da femia de "A Puída"
porque os dous vestían faldra por ser celtas ou castrexas distinguidas e distintas dos vestires da Bética e da Tarraconensis.
Desde esta faldra divísase o azul dun mar alongado e paralelo á súa rúa principal porque aquí e sempre o mar manda e fai que as rúas sexan paralelas porque o queren ver e sentir a súa inmensidade cadaquén que sente o seu corazón petando coas subidas e baixadas das mareas que embranquecen o azul nunha sístole e diástole as ondas de "Pena Burela", ou faro co que se identifican os burelaos e burelás desde o ano 59, sendo sinal de identidade e matriarcal que os garda e agarda coas súas cores moura e amarela metidas dentro como insignia da bandeira de Galicia representada polo azul cantábrico e o branco na faixa da marea costeira sendo "Pena Burela" unha pequena insignia ou símbolo metido dentro dela e que todos os burelaos e burelás terían a ben poñer na botoeira ou ollal da lapela da esperanza esperanzada que como espada atravesa o noso corazón sempre á esquerda da lapela enchendo de sangue burelesa e amorosa a todo aquel ou aquela que ouse sentirse cidadán ou habitante dos arredores do río "Burella".
Continuará...
