Día Internacional da alfabetización e día do xornalismo

📚 8 de Setembro de 2026:
Día Internacional da alfabetización e día do xornalismo

A EDUCACIÓN NON TEN IDADE.
A CULTURA NON DEBE TER FRONTEIRAS.

Isto é precisamente o que intenta facer a UNED SENIOR nas nosas aldeas e vilas: achegar a educación, a cultura e o coñecemento ás persoas maiores de 55 anos, vivan onde vivan.

Grazas á decisión da UNED SENIOR CORUÑA de achegarse ao territorio, hoxe existen aulas en Lousame, Aranga, Brión, Cambre, Monfero, Paderne, Guitiriz e Xermade, entre outras localidades.

E o máis importante é que estas aulas non son só para as persoas do concello onde están situadas. Moitas alumnas e alumnos desprázanse desde outros lugares para poder seguir aprendendo.

En Paderne e Monfero, por exemplo, participan persoas procedentes de Neda, Ferrol, Betanzos, Irixoa, As Pontes e doutros concellos.

Porque temos unha convicción clara:

APRENDER NON TEN IDADE.

Non queremos que vivir nunha aldea sexa unha limitación para acceder á cultura e á educación.

Queremos que a universidade saia dos seus edificios, se achegue ás persoas e estea presente nos nosos pobos e aldeas.

Queremos unha Galicia rural viva, culta, participativa e con futuro.

Porque unha persoa de 55, 65, 75 ou máis anos non deixou de aprender: ten máis vida, máis experiencia e máis preguntas que nunca.

📚 A educación é un dereito.
🌱 A cultura é vida.
🤝 Aprender xuntos é construír comunidade.

Que a universidade chegue a todos os recunchos da nosa terra.

UNED SENIOR CORUÑA: APRENDER, COMPARTIR E VIVIR... SEN IDADE.

---

📝 HOXE TAMÉN É O DÍA DO XORNALISMO

Queremos dar as GRAZAS de corazón a todos os xornalistas e a todos os medios de comunicación onde exercen o seu labor: prensa, radio, televisión e medios dixitais.

Grazas por dar a coñecer estas iniciativas, por achegarvos ás aldeas, por escoitar aos maiores e por contar tamén *noticias positivas* dos nosos maiores.

Non só desgrazas. Os maiores tamén somos vida, cultura, alegría e futuro.

*GRAZAS POR LOITAR CONTRA O EDADISMO.*
*NON AO EDADISMO.*

---

🔴🔴🔴 *ATENCIÓN* 🔴🔴🔴

*UNED SENIOR CORUÑA*
*EN PERÍODO DE MATRICULACIÓN ABERTO*

*AS CLASES COMEZARÁN A PRIMEIRA SEMANA DE OUTUBRO*

*PRAZAS LIMITADAS. NON QUEDES SEN A TÚA.*

🌅 *BOS DÍAS! – BUENOS DÍAS!*

Luis Angel Rodriguez Patiño
*UNED Senior Coruña


🎓 UNED SENIOR CORUÑA

ENCONTRO DO ALUMNADO – CURSO 2026/2027

Mércores, 30 de setembro de 2026
📍 A GURITA – PADERNE

A UNED SENIOR CORUÑA organiza un encontro de alumnas e alumnos o próximo mércores 30 de setembro, en A Gurita (Paderne).

O encontro terá como finalidade informar sobre o novo curso 2026/2027, que comezará na primeira semana de outubro, así como axilizar as últimas xestións de matrícula, xa que se achega o último día de prazo para matricularse en calquera das sedes da UNED SENIOR CORUÑA.

🕐 PROGRAMA

12:00 – 13:00 h. 🎶 Ensaios

13:00 – 14:15 h. 🎭 Actuacións

14:15 – 15:30 h. 🍽 Comida

15:30 – 17:00 h. 🎶🎭 Actuacións

💶 Prezo da comida: 14 €

📌 Para participar na comida, é necesario apuntarse previamente aos delegados e delegadas de alumnos de cada sede da UNED SENIOR CORUÑA.

🎵 Dirixe: Fran Cupeiro, titor da materia de Música.

Será unha xornada para encontrarnos, compartir, gozar da música e da cultura e comezar con ilusión un novo curso da UNED SENIOR CORUÑA.