Amor á verdade

Din que: "A VERDADE NON TEN MÁIS QUE UN CAMIÑO" e a min paréceme que é certo.
Hai quen di que: tódolos camiños levan a Roma e, cada persoa vai descubrindo o que considera verdadeiro...
A base de erros e máis erros, imos avanzando...
Á CONTA DA TEA, APRENDE O XASTRE
Ninguén nace aprendido.
Todos imos aprendendo pouco a pouco.
Estar abertos a aprender é o primeiro paso que debemos dar.
¡HAI TANTO QUE APRENDER!
Estar dispostos a aprender de persoas afíns a nós e tamén de persoas diferentes; é moi enriquecedor.
A veces, nas diferenzas, encérrase moita riqueza.
ANDANDO POLA VIDA...
Os primeiros mestres son os nosos proxenitores, sen lugar a dúbidas.
Deles aprendemos moitísimas cousas.
Algunhas xa as levamos nos xenes.
Sobre todo os valores
Hai valores fundamentais que son comúns a tódalas épocas e a tódalas civilizacións: o amor, a fraternidade, a humildade, o respecto, as normas de urbanidade, os deberes morais, etc.
Pero ó longo da vida encontrámonos con moitísimas persoas: veciños, compañeiros, profesores, sacerdotes, abogados, arquitectos, agricultores, gandeiros, mineiros, empregados, mendigos, etc...
CADA PERSOA É ÚNICA E IRREPETIBLE
E polo tanto ve a vida á súa maneira según as súas circunstancias.
Pero en calquera caso: todos amamos a verdade.
Todos amamos as persoas que son coherentes co seu modo de pensar.
A min encántanme as persoas coherentes.
As que non me gustan moito nin pouco son as mentireiras.
A MENTIRA REPÚGNAME
Unha cousa é estar equivocado.
Equivocados estamos todos en moitas ocasións.
Pero se recoñecemos o erro, xa está todo perdoado.
Rectificar é de sabios e tamén de santos.
Porque as persoas que rectifican, ademáis de sabias, son santas.
Pero a persoa que minte para enganar ó outro, para xustificarse a si mesma ou por intereses creados, a min NON ME MERECE CONFIANZA.
HAI PERSOAS MOI VERACES
Son todas aquelas persoas nobres e sinceras que non enganan a nadie por nada do mundo.
Hainas de tódalas idades, de tódalas profesións, persoas con poucos ou con moitos estudios...
ESAS PERSOAS SON AS AUTÉNTICAS.
Dannos:
-PAZ que é unha auténtica gozada para a nosa alma.
-SEGURIDADE que non hai seguro de vida que a poida igualar.
-SOSEGO que é tan necesario nestes tempos de tantas présas
-CONFIANZA algo así como un bocadiño de ceo ó noso alcance.
-Todos sabemos que vivimos nun mundo con moitas présas.
Todos sabemos que vivimos estresados por múltiples razóns.
TODOS SABEMOS QUE VIVIMOS ENGANADOS:
Gastámo-la saúde para conseguir cartos e despois gastámo-los cartos en médicos para recupera-la a saúde.
Vai así a cousa...
-NECESTAMOS BAIXAR O RITMO: se non podemos facer unhas vacacións, deixámolas para outra ocasión.
Con ter para o básico, hai suficiente.
-NECESITAMOS TEMPO PARA A FAMILIA: para rega-lo amor entre as persoas, para cooperar nos labores do fogar, para compartir tempo e vivencias, para compartir vida.
-NECESITAMOS COIDAR DE NÓS: somos os mellores amigos, dedicar tempo ás relacións, descansar para repoñer forzas, dedicar tempo para meditar, dedicar tempo á lectura...
No caso dos crentes: DEDICAR TEMPO Á ORACIÓN DIARIA para escoitar a voz do Espírito Santo e pedir as grazas necesarias para que se cumpra a súa vontade en nós.
Non esqucer as prácticas relixiosas en comunidade.
Preguntarnos de onde vimos e cara a onde imos.
Cal é a nosa misión nesta vida.
Coidarnos de modo holístico.
"COIDÉMONOS"
Este será o título do seguinte artigo.
Moitas grazas por terme na súa consideración nesta ocasión.