A Peña Romay (Pintor)

Baixo o título Contorno Urbano, Peña Romay presentou na Galería Amararte de Lugo, unha nova exposición na que se rinde unha homenaxe, que é un agasallo en vintecatro lenzos cheos de cor, á cidade de Lugo, e que eu vin da seguinte maneira:


SONETO

Romay de luz, figuración urbana.
Rectángulos de cores na pegada.
Colaxes de pintura apelicada
sementan cromatismo na mirada.

Prismas descompostos no arco da vella.
Desmedida paleta que os adorna
e os brancos feridos na contorna
estrondan aos azuis na urbe vella.

Está o corazón sanguinolento
entre os brancos de neve branca
nas rúas das cores; todo é contento,

e un azul de Circe recalado
escoita frío o paso das horas,
fillo do día, na noite pincelado.