Galicia e España precisan un gran Pacto de Estado contra os incendios forestais

Ata cando?
Cada verán arden os nosos montes, as nosas granxas, as nosas vivendas e, demasiadas veces, tamén se poñen en perigo vidas humanas.
Mentres o lume avanza, moitos responsables políticos continúan máis preocupados pola confrontación ca por chegar a acordos.

Galicia e España precisan un gran Pacto de Estado contra os incendios forestais.
A prevención, a xestión sostible do monte, o apoio ao medio rural, o reforzo dos servizos de extinción e a protección das persoas deben estar por riba de calquera interese partidario.

Negar ou minimizar a importancia do cambio climático, ignorar a evidencia científica ou utilizar esta traxedia como arma política non apaga nin un só incendio.
O lume combátese con prevención durante todo o ano, con investimento, con planificación e coa colaboración de todas as administracións.

A cidadanía ten dereito a esixir responsabilidade, diálogo e unidade.
Os montes non teñen ideoloxía. O lume tampouco.

Menos confrontación. Máis prevención. Máis ciencia. Máis protección para o noso rural. Un Pacto de Estado, xa.

CREGO de XESTOSO de MONFERO, CAMBÁS de Aranga, MOMÁN de Xermade e LABRADA de Guitiriz.