O amor de Deus, o más prezado tesouro

DOMINGO 17 (A).- 1Re 3,5.7-12.- Sal 118 (119).- Rm 8,28-30.- Mt 13,44-46

+Xa que pediches acerto para ben gobernar vouche conceder o que pediches ( 1Re 3, 11.12)

+Que a túa compaixón veña a min e vivirei ( Sal 118 (119), 77)

+Sabemos que todo colabora para o ben dos aman a Deus ( Rm 8,28)

+O Reino dos ceos é semellante a un tesouro agachado nunha leira, o home que o atopou, volveu agachalo e cheo de alegría vai e vende canto ten e merca aquela leira ( Mt 13,44)


O AMOR DE DEUS, O MÁIS PREZADO TESOURO


1. Para quen a Deus ama
e a Deus escoita,
en todo, un xeito encontra,
de estar na casa...

2. Pois Deus con gran amor
nos capacita,
a manter a faísca
do seu remol...

3. E a ledicia da paz
tras das tormentas,
vivindo coa defensa
que dá amar...

4. Por iso di Xesús
que é marabilla,
ter de noite e de día
de Deus a luz...

5. Que acompaña fielmente
inda sen velo,
e o seu potente abeiro
nunca se perde...

6. E cando non se ve
no máis fermoso,
é posible outro encontro
grazas á fe...

7. Unha fe que se ofrece
a quen a pide,
e a quen a Cristo humilde
con amor segue.

8. ¡Non hai riqueza tal
nin ben mellor,
que esa graza de unión
con Deus Pai-Nai!

9. Graciñas Xesús Cristo,
pois ti viviches,
sen che faltaren crises,
ese camiño.

10. E agora nolo ofreces
para que andemos,
co gozo do teu Reino
servindo sempre.

¡Apertas de domingo!