Unha eclipse para tí (4)

Canto dura unha eclipse?
As posicións relativas dos astros cambian, o que permite entrar e saír dunha eclipse.

Mais tamén nas eclipses hai variación da posición relativa entre os astros, tanto no transcurso ('dentro') dunha eclipse, como dunhas eclipses en relación a outras, polo que todas as eclipses non duran o mesmo.

Así, nunha eclipse de Sol a totalidade, cando a hai, pode ser como moito de algo máis de sete minutos, e o conxunto da eclipse, dende que comeza a ocultarse o Sol ata que volve a ser plenamente visible, dunha duración de ata unhas dúas horas.

No caso da eclipse de 12 de agosto de 2026, en Ribadeo, a eclipse durará unhas dúas horas menos dez minutos, e a eclipse total, cousa dun minuto cincuenta segundos.