No 'Día Mundial do Medio Ambiente', volvemos dicilo alto e claro: ALTRI NON.
Non queremos unha macrocelulosa que poña en risco os nosos ríos, a nosa terra e o noso mar. Non aceptamos un modelo que ameaza a biodiversidade, fomenta o monocultivo de eucalipto e pon en perigo actividades que sustentan milleiros de familias en Galicia.
Defender A Ulloa, o río Ulla e a ría de Arousa é defender o noso futuro Defender auga é defender a vida Defender o territorio é defender ás persoas que o habitan, o traballan e o coidan cada día.
Fronte a quen ve Galicia como unha terra para explotar e esgotar, respondemos con mobilización, compromiso e dignidade. Porque non hai progreso posible se destrúe o patrimonio natural, cultural e social do noso país.
Neste Día Mundial do Medio Ambiente reafirmamos o noso compromiso cunha Galicia viva, con ríos limpos, montes diversos e un modelo de desenvolvemento que respecte ás persoas e á natureza.
Nin en Palas de Rei nin en ningures: ALTRI NON.
