O Deus Familia de Xesús invítanos a medrarmos na súa comuñón

DOMINGO DA SANTÍSIMA TRINDADE A Ex34,4b-6.8-9.- 2 Cor 13,11-13.- Xn 3,16-18

O DEUS FAMILIA DE XESÚS INVÍTANOS A MEDRARMOS NA SÚA COMUÑÓN

1. O Deus liberador, Pai-Nai eterna,
falounos en Xesús de Nazaret,
con verbas e con feitos luminosos,
mostrándonos que amar é a gran Lei.

2. E ofrécenos no Alento do seu Cristo,
a medrarmos no que adiviña a fe,
coa Igrexa que á verdade está chamada,
e a ser pobre, e cos pobres corpo seu.

3. Que a paz de Deus soleza entre nosoutros,
andando en conversión polo acoller,
que ela libere de calquera odio,
e nos faga valentes na honradez.

4. Que o Deus que crea e por iso libera,
que foi e que será, e sempre é,
poida guiarnos Pastor bo e benigno,
e atope a adoración que nos fai ben.

5. Bendícete a Igrexa que acompañas
Misterio tan presente que sostés,
Fogar de comuñón que a amar invitas
para acollerte no noso querer.

6. Adórote Pai-Nai con Xesús Fillo,
irmán humilde, e Deus Enmanuel,
adórote Espírito divino,
que poida estar con vós, nun mesmo ser.

¡ Apertas de domingo!