Vivir en positivo

VIVIR EN POSITIVO
A vida, igual que as moedas, ten dúas caras: unha cara e unha cruz, é decir, un lado positivo e outro negativo.
-Hai días soleados e días nublados.
-Hai éxitos e hai fracasos.
-Hai momentos de saúde e tamén de enfermidade.
-Hai días alegres e tamén os hai tristes.
-Hai días para rir e días para chorar.
-Hai días para dar e tamén días para recibir.
HAI QUE VIVIR O QUE A VIDA DEPARE
-CANDO VAI SOL, hai que agradecer a raiola e aproveitar para facer labores que precisan de bo tempo.
-OS DÍAS NUBLADOS son apropiados para según que labores e tamén se agradecen.
-HAI MOMENTOS DE ÉXITO que toca celebrar para osixenar a alma e dar moitas grazas a Deus compartindo a ledicia cos máis achegados.
-HAI MOMENTOS DE FRACASO que nos fan reflexionar para non cometer o mesmos erros no sucesivo.
-CANDO TEMOS SAÚDE: vento en popa a toda vela.
Non nos mete medo nada.
A saúde é un regalo do ceo que toca agradecer e empregar adecuadamente para enriquecernos a nivel mental e espiritual, sobre todo; sen esquecer a parte material, que tamén a necesitamos.
Non vivimos só de pan; pero o pan de cada día que non nos falte.
-CANDO A ENFERMIDADE APARECE: sempre nos sorprende; pero hai que tratala con moito cariño e coidados esperando a recuperación.
Neste momento da nosa vida, sabemos exactamente quen está o noso carón: que persoas nos queren de verdade e a cantas lles somos indiferentes.
As que están ó pé do canón hai que levalas no corazón e coas restantes ir con precaución.
-HAI DÍAS ALEGRES para celebrar a alegría da vida compartindo a nosa felicidade coas persoas que nos queren.
-OS DÍAS TRISTES teñen o beneficio de facernos reflexionar para saber valorar a alegría de vivir e saber quen está o noso lado.
Os crentes sempre temos a Deus que nos leva na súa MAN; pero como somos criaturas libres, hai veces que facemos mal uso da liberdade e soltámonos; pero El segue aí.
-CANDO NOS TOQUE DAR, fagámolo con xenerosidade porque hai máis riqueza en dar que en recibir.
O que dá é porque ten un gran corazón e algo para dar.
-CANDO NOS TOCA RECIBIR: deixémonos querer e sexamos agradecidos.
A verdade é que necesitamos amar e ser amados.
CÓMPRE VIVIR EN POSITIVO
Vivir en negativo é pernicioso, amárganos a existencia e non amaña nada, é tempo perdido.
As persoas posivas sempre encontran motivos para agradecer e para sentirse ben aínda que leven a cruz como todos.
Da cuz non se salva ninguén.
Forma parte da vida.
Do que se trata é de levala como algo natural que nos axude a medrar como persoas e a santifcarnos.
HAI CRUCES PARA TODOS
-A infancia tamén as ten: o bulling, ós móbiles, as familias desestructuradas, a falta de principios en moitos casos...
-A xuventude quere emanciparse e moi poucos poden facelo cunha economía solvente a unha idade adecuada.
-A idade adulta está queimada pola carestía da vida, os fillos que se lles escapan das mans, a inseguridade a nivel mundial...
-A ancianidade hoxe en día vívese na soidade aínda que moitas veces estea rodeada de persoas.
Estas persoas están máis soas que nunca.
A PESAR DE TODO: TOCA VIVIR EN POSITIVO
Afortunadamente son moitas as criaturas que dispoñen dunha boa base familiar e saben defenderse do bulling, do uso abusivo dos móbiles e gozan duns principios morais e relixiosos que as soteñen de modo saudable, preprarándose para un futuro prometedor e levan unha vida sa e santa.
Tamén existe moita xuventude que medra fortalecida polos bos principios e incluso moita é crente e practicante.
Esto obsérvase na igrexas cando se ve moita xuventude acercarse a comulgar porque se sente unxida polo Espirito Santo.
Hai familias que non perderon o rumbo e saben orientarse, levar a bo término a súa misión familiar e cooperan para que o mundo vaia o mellor posible
E aínda quedan moitas persoas en idade senil que conservan eses valores e saben relacionarse e orientar á xente nova levando a cabo o que todo a vida intentaron:
"UNHA VIDA DIGNA DESDE O PRINCIPIO ATA A SÚA CHEGADA Á META".
Estas persoas son as que fan país.
"FACENDO PAÍS"
Este será o título do seguinte artigo.
Moitas grazas por terme na súa consideración nesta ocasión.