Armas moi poderosas

¿Quen non ten dificultades nesta vida e neste mundo que nos toca vivir?
Estou convencida de que é vostede unha persoa feliz, segura de sí mesma, formada, formal e moi loitadora; pero...
Máis dun problemiña, seguro que terá.
Non coñezo a ninguén que non teña problemas.
Os problemas son as probas que nos pon a vida para que os enfrontemos con valentía e nos realicemos como persoas.
Os problemas forman parte da vida.
Unha vida sen problemas non tería mérito.
Cómpre ve-los problema de cada día como oportunidades para medar como persoas.
PROBLEMAS COTIÁNS
-UN BEBÉ TEN PROBLEMAS PARA ANDAR
Cae, volve a caer, inténtao unha vez e outra...
Ata que un bo día sóltase e bota a andar e a familia celébrao con moito entusiasmo.
¿Que precisou?
Dúas armas moi poderosas: CONSTANCIA E PACIENCIA.
-UN ESTUDIANTE TEN DIFICULTADES:
Quere; pero non pode...
Non comprende ben as explicacións.
Cóstalle reter conceptos, na casa non lle poden axudadar e unhas clases particulares non llas poden pagar.
Pero quere chegar a ter unha boa formación acadámca ó prezo que sexa.
Ármase de: TESÓN, VALOR, CONSTANCIA E PACIENCIA e consigue o que quería; ter unha boa formación académica que lle permitirá defenderse moi ben na vida.
TESÓN, VALOR, CONSTANCIA e PACIENCIA: armas poderosas.
-UNHA FAMILIA VESE EN APUROS
Apuros de diferente índole: convivencia, economía, saúde...
-AS CONVIVENCIAS son difíciles porque todos temos unha visión diferente da vida.
Claro que hai unha normas que, en teoría nos uniforman, pero na realidade cadaquén asimílaas á súa maneira.
Entonces: vemos os fallos no outro e pensamos que estamos en posesión da razón.
A arma máis poderosa nesta ocasiós é o PERDÓN.
Perdoar setenta veces sete, di a Sagrada Escritura
-A ESCONOMÍA moitas veces vai escasa; pero di o refrán que "NON HAI MOITO QUE NON SE GASTE NIN POUCO QUE NON BASTE".
¿Cantas veces nos temos visto con problemas de estreitura económica?
Eu, moitas; pero PACIENCIA e ESPERANZA.
-No tocante á SAÚDE:
Aparecen enfermidades que teñen cura: esas non son problema.
Pero tamén hai ENFERMIDADES REBELDES que nos fan sufrir moito.
Un bo remedio. MEDICINAS e PACIENCIA e outro aínda mellor é a ORACIÓN CONFIADA NA PROVIDENCIA para as persoas crentes que sabemos que estamos nas mans de Deus e, aínda sufrindo, queremos que se cumpra a súa vontade.
A FE É UNHA ARMA PODEROSÍSIMA, por algo se di que pode "mover montañas".
-PROBBLEMAS A NIVEL NACIONAL E MUNDIAL.
-A NIVEL NACIONAL os países democráticos temos unha ferramenta chamada eleccóns; pero como todos opinamos diferente, non nos poñemos de acordo e os gobernos de turno téñeno difícil.
A nós só nos queda conserva-la ESPERANZA de que algún día propoñan solucións acertadas para que poidamos vivir con dignidade e paz.
A ESPERANZA É UNHA ARMA PODEROSA porque non defrauda.
-A NIVEL INTERNACIONAL aínda o temos máis difícil.
Teremos que aumenta-las doses de: PACIENCIA, ESPERANZA e FE nun futuro prometedor.
Porque ó remate todo acabará ben.
Así está no programa que diseñou o Creador do Universo.
Aínda que a veces parece que estamos construindo un mundo do revés; pero lentamente iremos correxindo erros.
Haberá que darlle a volta a certos desvíos.
"DARLLE A VOLTA"
Este será o título do seguinte artigo.
Moitas grazas por terme na súa consideración nesta ocasión.