Sofía Andrushenko nace na cidade de Jarkiv (Ucrania), o día 2 de febreiro de 2005, filla de Artem Andrushenko, carpinteiro de profesión e de Svella Dimitrienko de profesión veterinaria. Sofía estuda Belas Artes no Instituto de
Formación Profesional de Jarkiv.
Por mor da guerra de Rusia con Ucrania, vese obrigada a abandonar tanto os seus estudos como o seu país. Unha ONX de españoles e ucraínos tráena xunto con súa nai en autobús para España, viaxe que lles leva tres días.
En España é recibida por monxas católicas que se desviven por atender correctamente a estes refuxiados. Tanto Sofía como súa nai Svella, teñen que aprender español partindo de cero e de feito, teñen tamén que aprender o alfabeto latino, xa que elas escriben en cirílico e falan ucraíno e ruso.
En Madrid consigue o seu primeiro traballo como pintora barista, pero sigue camiño e ven para Galicia, concretamente para Foz. Traballa no restaurante Dandy onde eu a coñezo e pretendo axudarlle no seu mundo da arte. Preséntolle ao gran debuxante Juanel levándoa ao estudio deste gran artista.
Juanel é o que ten a idea de que Sofía faga a súa primeira exposición de pintura en España e así é como tramitamos co Concello de facer a súa primeira exposición no CENIMA (Centro de Interpretación da Mariña) en
Foz.
Coa intención de colaborar con ela, ese mesmo día, eu organizo unha charla miña e acto seguido inaugúrase a súa exposición coincidindo coa Semana Santa. Sofía é presentada polo alcalde de Foz, Francisco Cajoto Caserío.
A exposición é un éxito de xente e Sofía vende varias das súas obras.
Debido ao éxito desta exposición, organizamos unha segunda, que se inaugura o día 1 de agosto de 2025. Se o éxito da primeira exposición foi grande, na segunda exposición triplica a venda de obras.
Sofía Andrushenko prosigue os seus estudos de Belas Artes por vía Online.
Seu pai e un irmán por ser homes quedan en Ucrania de momento. Trátase dunha rapaza moi culta, fala e escribe correctamente o español.
A especialidade artística de Sofía é a de pintar ovos de pascua, moi tradicionais en Ucrania pola cultura ortodoxa.
