Encontro da UNED Sénior en Paderne para celebrar o Día Internacional da Muller.
Durante o acto, o coordinador da UNED Sénior A Coruña, Luis Ángel Rodríguez Patiño, lembrou que este tipo de encontros son hoxe máis necesarios ca nunca, debido á situación actual que vive España e o mundo en xeral.
Sinalou que determinadas políticas da dereita, e especialmente da ultradereita, están gañando presenza no panorama político e poderían poñer en risco dereitos xa conquistados para avanzar na igualdade, na emancipación da muller e no respecto ás mulleres da nosa xeración.
Tamén recordou que non hai tantos anos moitas mulleres apenas contaban na sociedade e estaban destinadas unicamente ao traballo no fogar.
Despois da súa intervención, distintas persoas participaron lendo varios comunicados de reivindicación.
Aplaudiu a dous alumnos moi especiais: Adrián, que a pesar da súa discapacidade é un gran compositor e un excelente profesor de música, capaz de tocar numerosos instrumentos; e outro compañeiro que se reincorpora ás actividades e que cumprirá 100 anos en setembro, e que tamén sabe tocar varios instrumentos.
Un agradecemento moi especial ao titor Fran Cupeiro polo seu gran labor, dedicación e entusiasmo.
