A Transfiguración de Xesús... É a nosa.

* Sal cara a terra que che mostrarei: en ti serán benditas tódalas familias.
* A misericordia do Señor enche a terra (Sal 32(33)).
* Cristo Xesús destruiu a morte e fixo brillar a vida por medio do Evanxeo (2Tim 1,10)
* Este é o meu Fillo, o amado, en quen me complazo. Escoitádeo.

A TRANSFIGURACIÓN DE XESÚS... É A NOSA

1. Para subir ao alto
do Deus amor
cómpre baixar ao soto
dos corazóns
e amar nos pozos mouros
do desamor,
con respecto exquisito
inda en paixón,
co agarimo paciente
do coidador,
coa humildade prudente
de quen é po,
coa tenrura preciosa
da compaixón
coa teima decidida
do loitador,
coa luz e a liberdade
do bo humor.

2. Para vivir en luz
entre a negror,
é preciso que Deus
sexa o Señor,
tanto nas alegrías
coma na dor:
que pese máis en min
a súa voz
que os consellos dos medos
ou da ambición;
cómpre saber perder
co irmán menor
e remediar valentes
as opresións;
hai que vencerse a un mesmo
con decisión
e gozar e querer
como amador.

3. Xesús querido,
meu Deus amigo,
irmán e guía
na bendición:
quero ir contigo
día tras día,
no teu camiño
de Servidor
liberador,
coa túa entrega
leda e enteira
paixón de amor.



Apertas de domingo!

Domingo 2º Coresma (A) A TRANSFIGURACIÓN. Xen 12, 1-4 Sal 32(33) 2Tim 1, 8b-10 Mt 17, 1-9